منتديات العالم الرياضي
اهلا بك في منتديات العالم الرياضي انت الان قد دخلت عالم لن تنساه ابدا حيث انه يحتوي على اهم الاشياء وكل ما يخطر ببالك سيكون له محل هنا العالم الرياضي عالمك الخاص حيث انه يمكنك ان تكون مشرفا او مديرا وهذا على حسب فعالياتك هنا لا تتردد وشارك وانتهز الفرصة وسنكون سعداء لمشاركتك
ولا تنسى زيارتنا في :-
Facebook
Twitter
Youtube


منتديات العالم الرياضي

الرئيسيةالعالم الرياضياليوميةمكتبة الصورس .و .جبحـثالأعضاءالمجموعاتالتسجيلدخول

العالم الرياضي sport7world موجود على Facebook وله حقوق ومميزات هناك

لكي تتمتع بكل حقوق ومميزات العالم الرياضي فما عليك الا التسجيل في المنتدى

اعضاؤنا الأعزاء نفيدكم علما بأ العالم الرياضي قد تم تغيير رابطه الى 
sport7world.umbb.net
بحـث
 
 

نتائج البحث
 
Rechercher بحث متقدم
المواضيع الأخيرة
» طلب الاكل من نذل
السبت مارس 23, 2013 10:34 pm من طرف أسد البحار

» مبارة البرازيل و ايطاليا
الخميس مارس 21, 2013 2:15 am من طرف أسد البحار

» مباراة عمان الودية
الخميس مارس 21, 2013 1:54 am من طرف أسد البحار

» معلومات طبية غريبة !!
السبت يوليو 14, 2012 7:22 pm من طرف $$sport

» حرارة الصيف قد تصل لــ70 درجة مؤية في السعودية خلال يوليو واغسطس
الثلاثاء يونيو 19, 2012 5:14 am من طرف $$sport

» فيسبوك يدفع 10 ملايين دولار لحل نزاع بشأن خدمة ((سبونسرد ستوريز ))
الثلاثاء يونيو 19, 2012 5:07 am من طرف $$sport

» صور نادرة جدا ((بغداد االقديمة ))
الأحد يونيو 17, 2012 1:08 am من طرف $$sport

» علمي طفلك القراءة في سن مبكرة !!
الجمعة يونيو 15, 2012 10:11 am من طرف $$sport

» مشروع جيد للعاطلين عن العمل
الجمعة يونيو 15, 2012 9:40 am من طرف $$sport

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط العالم الرياضي على موقع حفض الصفحات

قم بحفض و مشاطرة الرابط منتديات العالم الرياضي على موقع حفض الصفحات
like us on facebook
tweet
like us on facebook
أفضل 10 أعضاء في هذا الشهر
تصويت
المواضيع الأكثر شعبية
شرح قصيدة اعتذار للنابغة الذبياني
شرح قصيدة شجاعة وكرم لسليمان بن سليمان النبهاني
اسماء المصارعين وصورهم
قوى الترابط بين الجزيئات (شرح مفصل )
شرح قصيدة المساء للشاعر ((خليل مطران ))
لتحميل اغاني akon 2011 ادخل هنا
اغنية جاستن بيبر الجديدة mistletoe بمناسبة الكريسماس
صور عن برشلونة
اغنية We Found Love من المطربة Rihanna من ZAS بصيغة mp3
نتائج مباريات عرض WWE Hell In Cell 2011

شاطر | 
 

 حاجات جرب اعملها وشوف بعدها هتفرق معاك؟؟؟!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
$$sport

avatar

عدد المساهمات : 374
نقاط : 1081
السٌّمعَة : 14
تاريخ التسجيل : 21/07/2011
العمر : 19

مُساهمةموضوع: حاجات جرب اعملها وشوف بعدها هتفرق معاك؟؟؟!!   السبت يناير 21, 2012 8:16 pm

حاجات جرب اعملها وشوف بعدها هتفرق معاك كتييير Smile)
..
..
إشتري علبة شوكولاتة مستوردة غالية و كلها.

إلعب لعبة مالعبتهاش من و إنت صغير.

إعرق و إنهج و حس إنك عايش.


بص لأهلك و عرفهم قد إيه بتحبهم.


بص للي تحتك و إعرف قيمة كل حاجة معاك.


بص للي فوقيك و إعرف إن رغبتك إنك تبقى زيهم هي اللي مدية طعم لحياتك.


إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..


روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”


سلم على واحد صاحبك و خدوا بالحضن.. و زود مدة الحضن ثانية زيادة..

بدون سبب إبعت رسالة لأي حد بتحبه قوله حاجة حلوة.


إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

خلى اللي يكره يكره و اللي يشتم يشتم وإعرف إنهم مضيعين وقتهم.


إتأكد إنك لو عارف إنك هتموت بكرة هتعمل نفس اللي بتعمله دلوقتي.


حب جامد قوي حتى لو حبك مش هيستمر لحد بليل


كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.


ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.


أكسب نفسك و حب حد بيكرهك.


إكسب نفسك ثاني و حب حد بتكرهه.


إكسب نفسك ثاني و إنسى حد لسه بتحبه من غير ما تكرهه.


إقرا الكلام ده من غير ماتعلق عليه و لو مش عاجبك بطل قراية.


لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..


إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.


جرب أكلة جديدة في مطعم فخم.. ثمنها يخرب بيتك.. و روح و إنت مبسوط.


إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.


إفتكر قبل ما تنام كل الكلام الحلو اللي سمعت الناس بتقوله عنك.


كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.


كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.



شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.


فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.


سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.


جيب لنفسك هدية و إستنى لحد عيد ميلادك و إديها لنفسك.


جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.


إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.


ماتغضبش مهما حصل.


أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.


لو حد شتمك حط ده في تانك البنزين بتاعك علشان يبقى طاقة تحركك لقدام.


لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.



لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.


بص لإمبارح.. و شوف إتعلمت منه قد إيه..


خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..


إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..


لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..



إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.



إتبسط.. و لو مش عايز تتبسط.. مش هتعرف تعكنن عليا لان انا مبسووووط ^_^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حاجات جرب اعملها وشوف بعدها هتفرق معاك؟؟؟!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العالم الرياضي :: الاقسام الادارية :: منتدى المواضيع العامة-
انتقل الى: